Fitoi lotarinë milionëshe, heq dorë nga puna e tij si taksist – shkaku i klientëve (Foto)

shadow

Një shofer taksie ka lënë punën e tij pasi ka fituar lotarinë sepse thotë se ndihet shumë fajtor duke marrë para nga klientët e tij.

Sipas mediave britanike, përcjell Telegrafi, Gordon Rees, 64 vjeç, nga Nottingham, u bë një milioner brenda natës, kur fitoi lotarinë.

Siç bëhet e ditur, shoferi i taksisë fitoi çmimin 1 milion funte duke ndryshuar jetën pasi bleu një tiketë me fat në një dyqan lokal më 21 qershor të vitit 2016.

Por megjithatë, ai qëndroi në makinën e tij të taksive për një vit tjetër, deri në ditëlindjen e 64-të.

Përfundimisht ai mori pension të parakohshëm kur filloi të mendonte se ngarkimi i konsumatorëve me pagesë ishte diçka e tepërt.

“Unë arrita në përfundimin se me të gjitha ato para në xhepin tim, unë nuk mund të duroja të merrja ndonjë para nga klientët e mi, kështu që vendosa të përfundoja”.

Sapo fitoi milionat, ai ishte në gjendje të blinte një shtëpi, një makinë, të trajtojë fëmijët e tij dhe ka qenë edhe në disa festa të bukura. /Telegrafi/

Sugjerime

Komentet